Drama under gudstenesta i Dalen kyrkje

Førstkomande søndag tek konfirmantane del under gudstenesta i Dalen, med bibeldrama og song.

I "gamle" dagar vart det kalla 'overhøyring'; no heiter det samtalegudsteneste når konfirmantane viser soknelyden noko av det dei har lært og gått igjennom i konfirmanttida. Gudstenesta søndag 7. mai vil forutan dramatisering og song òg innehalde ein sekvens med kunnskapsspørsmål om sentrale element i kristendommen. Hugsar du til dømes korleis det tredje bodet lyder? Eller det åttande? Kom og høyr søndag kl 11 i Dalen kyrkje!