Tilgjengelighetserklæring for folldal.kirken.no
Les tilgjengelighetserklæringenNyheter
Snart nytt kyrkjeår
Søndag 22. november er siste søndag i kyrkjeåret. I Dalen kyrkje er det gudsteneste denne dagen.
Siste søndagen før adventstida tar til, har i vår kyrkje tidlegare heitt "domssøndagen", fordi bibeltekstane denne dagen handlar om at vi alle skal stå til rekneskap for Gud. I år er den vidgjetne skildringa av dommen i Matteusevangeliet preiketekst:
"Alle folkeslag skal samlast framfor han [dvs. Jesus], og han skal skilja dei frå kvarandre, som ein gjetar skil sauene frå geitene, og setja sauene på si høgre side og geitene på si venstre" (Matt 25,32-33).
Og så fell dommen - med utgangspunkt i kva dei enkelte har gjort mot sine medmenneske. Siste søndagen i kyrkjeåret er såleis eit godt og viktig høve til å tenkje over korleis vi er mot våre medmenneske.